വിഷ് യൂ എ ഹാപ്പീ ന്യൂ ഇയര്‍ ,അലര്‍ച്ച
ശിഷ്യന്റെത് ,ഞെട്ടിയത് ഗുരു,സ്ഥിരം പരിപാടി ആയ ആകാശം നോക്കി
കിടപ്പായിരുന്നല്ലോ ഗുരു, ഈ വിളി പ്രതീക്ഷിച്ചതല്ല , ചാടി എണീറ്റ പാടെ ഗുരു
ഉണ്ടക്കണ്ണ്‍ ഉരുട്ടി ശിഷ്യനെ തുറിച്ചു നോക്കി, എന്താഡാ പറഞ്ഞത്, ഹാപ്പീ
ന്യൂ ഇയര്‍ എന്ന്, എന്ത് ഹാപ്പി, ആര് ഹാപ്പി എവിടത്തെ ഹാപ്പി, അല്ല ഈ ന്യൂ
ഇയര്‍ അല്ലെ, അപ്പൊ നമ്മള്‍ ഇങ്ങനെ ഹാപ്പി ഒക്കെ പറയാറില്ലേ, ശിഷ്യന്
ചമ്മി, ഗുരു താടി തടവി,എടാ നമ്മുടെ ന്യൂ
ഇയര്‍ ആണോ ഇത്? വല്ല സായിപ്പന്മാരും കണ്ടു പിടിച്ച ഒരു കലണ്ടറും ,അതിന്റെ
ന്യൂ ഇയര്‍ കൊട്ടിഘോഷിക്കാന്‍ നിന്നെ പോലെ കുറെ മണ്ടന്മാരും,അപ്പൊ ന്യൂ
ഇയര്‍ എന്നൊന്നില്ലേ? ശിഷ്യന് ചോദിച്ചു, ഉണ്ടല്ലോ, മലയാള മാസം ചിങ്ങം
അന്നാണ് നമ്മുടെ ന്യൂ ഇയര്‍, മനസിലായോ? ഓ അങ്ങനെ ആണല്ലേ, ഗുരോ ,അപ്പൊ ഗുരു
എന്നാ ജനിച്ചേ? ഞാന്‍ അഗസ്റ് ഇരുപത് ,എന്ത് പറ്റി? അല്ല അങ്ങ് മലയാള മാസം
എന്ന് ജനിച്ചു എന്നല്ലെ പറയേണ്ടത്? ഡേയ് നീ ഗുരുവിനോട് തര്‍ക്കിക്കരുത്
,അതും ഈ ഹാപ്പി ന്യൂ ഇയറില്‍ ..ഗുരുവിനു വന്നല്ലോ ദേഷ്യം ,സോറി ഗുരു, അതേയ്
എന്താണ് ഗുരുവിന്റെ ന്യൂ ഇയര്‍ റിസോലൂഷന്‍, ഗുരു പതുക്കെ കാല് കൊണ്ട്
പകുതി നിറഞ്ഞിരുന്ന ബ്രാണ്ടി കുപ്പി ശിഷ്യന് കാണാതെ കട്ടിലിനു താഴേക്ക്
തള്ളി നീക്കി, എന്നിട്ട് പറഞ്ഞു ഞാന്‍ ഇന്ന് വെള്ളമടി നിറുത്തും,
ശെരിക്കും? അതേടാ ,നന്നായി ഗുരു,അതെന്താ, ആ ബാക്കി ഇരിക്കുന്ന സാധനം
മുഴുവന്‍ എനിക്കു തരണേ, അയ്യട അപ്പൊ ഞാന്‍ നാളെ എന്തടിക്കും ? അതിനു ഗുരു
നിറുത്തിയില്ലേ, എടാ അത് ഇന്ന് രാത്രി അല്ലേ ,നാളെ രാത്രി വീണ്ടും വേണ്ടേ?
ശിഷ്യന് ഒന്നും പറഞ്ഞില്ല, അപ്പോള്‍ അകത്തു നിന്ന് ഒരു ശബ്ദം കേട്ടു ,
മകളെ മാപ്പ്, സോദരീ മാപ്പ് ,അതാരാ ഗുരോ? ഓ അത് എന്റെ അനിയന്‍ ആണ്. ഡല്‍ഹി
പെണ്‍കുട്ടിക്ക് വേണ്ടി പോസ്റ്റ് ഇട്ടു പോസ്റ്റ് ഇട്ടു ഇങ്ങനെ ആയിപ്പോയി,
ഊണിലും ഉറക്കത്തിലും ഇങ്ങനെ പറഞ്ഞോണ്ടിരിക്കും, പിന്നെ ഫുള്‍ ടൈം മെഴുകു
തിരി കത്തിച്ചു ഇങ്ങനെ ആട്ടിക്കൊണ്ടിരിക്കും, അതെന്താ ഗുരുവിനു ഒരു പരിഹാസം
,അത് നല്ലതല്ലേ ? പിന്നെ ,മരിച്ചു പോയ കുട്ടിക്ക് മാപ്പും പറഞ്ഞു മെഴുകു
തിരിയും കത്തിച്ചു ഇരുന്നാല്‍?? എല്ലാം ശെരിയാകുമോ ? ഇല്ലേ? ഇല്ല ,ഇതൊന്നും
കണ്ടാല്‍ ആരുടേയും മനസലിയില്ല ,ഇതിനു വേണ്ടത് ആ സഹോദരിമാരെ തിരിഞ്ഞു
നിന്ന് ശല്യം ചെയ്യുന്നവരുടെ കരണത്തു അടിക്കാന്‍ പഠിപ്പിക്കുകയാണ്
,എപ്പോള്‍ വേണമെങ്കിലും നീണ്ടു വരാവുന്ന കൈകളില്‍ പിന്‍ വെച്ച് കുത്തി
മുറിവേല്‍പ്പിക്കാന്‍ പഠിപ്പിക്കുകയാണ് ,പെണ്ണ് ഒരു ഉപഭോഗ വസ്തു അല്ല എന്ന്
ആണ് മക്കളെ പറഞ്ഞു പറഞ്ഞു പഠിപ്പിക്കലാണ് ,ഗുരു ക്ഷുഭിതനായി ,ഇങ്ങനെ
വല്ലതും തൊട്ടടുത് നടന്നാല്‍ അതില്‍ ഇടപെട്ടു ആ പെണ്‍കുട്ടിയെ സഹായിക്കാന്‍
ഒരുത്തന്‍ തയ്യാറാവുമോ? ഈ മെഴുകു തിരിയും കത്തിച്ചു, മകളെ മാപ്പ്, ലോകമേ
ലജ്ജിക്കു എന്നും പറഞ്ഞു നടക്കുന്നവരില്‍ ഒരുത്തന്‍,കൂള്‍ ഡൌണ്‍ ഗുരോ,
ഞാന്‍ പോണു, എന്താടാ ഒരു വിഷമം, ഞാന്‍ പറഞ്ഞത് നിനക്ക് ഫീല്‍ ചെയ്തോ? ഏയ്‌
ഇല്ല ഗുരോ , എന്റെ കുറെ സുഹൃത്തുക്കളെ നഷ്ട്ടപ്പെട്ട വര്‍ഷം ആണ് ഈ കഴിഞ്ഞു
പോകുന്നത്, അയ്യേ അതിനു നീ എന്തിനു വിഷമിക്കണം,നഷ്ട്ടപ്പെട്ടത് എല്ലാം നീ
ഇവിടുന്നു നേടിയതല്ലേ , ഇവിടെ തന്നെ ഉപേക്ഷിക്കെണ്ടതും , നിനക്ക് എന്തിനു
ഇത്ര അടുപ്പം എല്ലാത്തിനോടും? വെറും ലൌകികം മാത്രം ആകാതെ അല്പം ആധ്യാത്മികം
കൂടെ ആകാന്‍ ഉള്ള സമയമായി മോനെ നിനക്ക്, പെട്ടെന്ന് ശിഷ്യന് വിളിച്ചു
പറഞ്ഞു അയ്യോ അതാ ഗുരുവിന്റെ പേന അനിയന്‍ എടുത്തു കൊണ്ട് പോയി, ങേ, ഡാ
എവിടെടാ എന്റെ പേന, തിരികെ വെയ്യടാ ,ഗുരുവിന്റെ അലര്‍ച്ച കേട്ടപ്പോള്‍
ശിഷ്യന് പറഞ്ഞു ,ഗുരോ ആ പേന ആരും എടുത്തില്ല, ഈ വേദാന്തം ഒക്കെ സ്വന്തം
കാര്യത്തില്‍ ഇല്ല അല്ലേ? ഇപ്പൊ പറഞ്ഞ പേന ഇവിടുന്നു നേടിയതല്ലേ? എന്താ അത്
വേണ്ടാന്ന് വെച്ചാല്‍ ? ഡാ ഡാ നീ അല്പം അധികം ആവുന്നുണ്ട്‌ കേട്ടോ, അന്യായ
വില കൊടുത്തു ഞാന്‍ ഇന്നലെ വാങ്ങിച്ച പേന ആടാ അത്, സോറി ഗുരോ ,പക്ഷെ ഗുരു
പറഞ്ഞത് ഞാന്‍ അനുസരിക്കാന്‍ പോകുന്നു, ഇതു കാര്യം? ആധ്യാത്മികം, നാളെ
മുതല്‍ ഞാന്‍ ആധ്യാത്മിക ജീവിതം നയിക്കും, ഇന്ന് പോയി കാവി ജുബ്ബയും
മുണ്ടും വാങ്ങണം,ഇപ്പൊ ഗുരു ചിരിച്ചു, പതുക്കെ അല്ല ഉറക്കെ, ഡാ മണ്ടാ
,അവിടെ ആണ് നിനക്ക് തെറ്റിയത് , ഒരു കാര്യം പറയാം , ആന്ധ്രയില്‍ , ഒട്ടും
വെള്ളം കിട്ടാത്ത ഗ്രാമങ്ങളില്‍ വളരെ ദൂരെ പോയി വെള്ളം കൊണ്ട് വരും ചില
ആദിവാസി സ്ത്രീകള്‍, അത് കണ്ടാണ് ജീവിതം, ഓഹോ ശിഷ്യന് താല്‍പ്പര്യമായി,
എന്നിട്ട്, ങാ എന്നിട്ട് അവര് വെള്ളം നിറച്ച പത്തു കുടങ്ങള്‍ മുകളില്‍
മുകളില്‍ വെച്ച് ബാലന്‍സ് ചെയ്തു കിലോ മീറ്ററുകള്‍ നടന്നു വരും,അയ്യോ?
പതുക്കെ പതുക്കെ സൂക്ഷിച്ചു നടന്നു വരുമ്പോള്‍ സമയം എത്ര പോകും,ങാ എന്നാല്‍
കേട്ടോ ,അതാണ് തമാശ, അവര് ലോകത്തുള്ള വിശേഷങ്ങള്‍ മുഴുവന്‍ പറഞ്ഞു
ആടിക്കുഴഞ്ഞു ചിരിച്ചാണ് വേഗത്തില്‍ നടന്നു വരുന്നത്, അയ്യോ അപ്പൊ കുടം
വീഴില്ലേ? ഇല്ലല്ലോ മനസ്സ് മുഴുവന്‍ ആ കുടം വീഴാതെ നോക്കുകയായിരിക്കും,
സംസാരം വേറെ, കുടം വേറെ ,ബാലന്‍സിംഗ് ആക്ട്‌, അത് പോലെ ആകണം മനുഷ്യന്‍,
ലൌകിക ജീവിതത്തില്‍ അടിച്ചു പൊളിച്ചു നടക്കുമ്പോഴും മനസ്സില്‍ എപ്പോഴും
തലയില്‍ വെച്ച ആ കുടങ്ങള്‍ പോലെ ആദ്മീയത കാണണം , എപ്പോഴും ആ ചിന്ത വേണം,
ബോധ്യം വേണം താന്‍ ആരാണെന്നും, ഇവിടെ ഉള്ള ഒന്നും തന്റെ സ്വന്തം
അല്ലെന്നും,എപ്പോ വേണോ മുകളില്‍ നിന്നുള്ള വിളി വരാം എന്നും അപ്പോള്‍
തിരികെ പോണം എന്നും , അത് മതി, അല്ലാതെ ആരും പറഞ്ഞിട്ടില്ല കാവിയും ഇട്ടു
രാമാ രാമാ എന്ന് വിളിച്ചാലേ ആദ്മീയ ജീവിതം നയിക്കാന്‍ പറ്റു എന്ന് മണ്ട
ശിരോമണീ , ഇത്രയും കേട്ട ശിഷ്യന് സംതൃപ്തനായി അന്നത്തെ ഡോസ് കിട്ടി വയറു
നിറഞ്ഞു വീട്ടില്‍ പോകാന്‍ തുടങ്ങി, അപ്പോള്‍ ഗുരു പറഞ്ഞു ,ഡാ നീ അങ്ങനെ
അങ്ങ് പോയാല്‍ എങ്ങനെ, ആ മാഞ്ചോട്ടിലെ അജോയ് അവിടെ എഴുതി എഴുതി നമ്മള്‍
രണ്ടും ഭയങ്കര പോപ്പുലര്‍ ആണടെ ഇപ്പൊ , ആണോ അത് ഞാന്‍ അറിഞ്ഞില്ല ഗുരുവേ ,
അതിനു ഇപ്പൊ എന്ത് വേണം ? എടാ അവര് എല്ലാരും നമ്മള്‍ ഈ പറഞ്ഞത് മുഴുവന്‍
കേട്ടില്ലേ ,അയ്യോ ആണല്ലേ? പിന്നെ ? അപ്പൊ നമുക്ക് ഒരു ഹാപ്പി ന്യൂ ഇയര്‍
അവര്‍ക്ക് വേണ്ടി പറഞ്ഞാലോ? ഗുരു അല്ലെ പറഞ്ഞത് നമുക്ക് ഈ ന്യൂ ഇയര്‍ അല്ല
എന്ന്, അത് സാരമില്ല, പറയാം, പക്ഷെ മലയാളത്തില്‍ പറഞ്ഞാല്‍ മതി, ശിഷ്യന്
തുടങ്ങി എല്ലാവര്‍ക്കും ,മാഞ്ചോട്ടില്‍ എല്ലാവര്‍ക്കും എന്ന് പറ ,ശെരി
മാഞ്ചോട്ടില്‍ എല്ലാവര്‍ക്കും ഞങ്ങള്‍ടെ നവ വത്സരാഷ ,ഷ അല്ലടെ ശ ,സോറി
,ഞങ്ങള്‍ടെ നവ വത്സരാശംസകള്‍ ,അതിന്റെ കൂടെ ഈ അജോയ്ടെയും ,അത് വരെ
കട്ടിലിനടിയില്‍ കഥ ചോര്‍ത്താന്‍ ഒളിച്ചിരുന്ന അജോയ് പുറത്തു വന്നു , വിഷ്
യൂ ഓള്‍ എ ഹാപ്പി ന്യൂ ഇയര്‍ കൂട്ടുകാരെ, എന്റെയും ഗുരുവിന്റെയും
ശിഷ്യന്റെയും
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ