ഗുരു മൂഡ്‌ ഔട്ട്‌ ആയിരുന്നു ,കാരണം വെറുതെ
തട്ടിന്‍ മുകളില്‍ കിടന്നിരുന്ന ഒരു പഴയ ചാരുകസേരയില്‍ നോക്കാതെ കേറി
ഇരുന്നു, ഇരുന്നത് നേരെ ഒരു തുരുമ്പിച്ച ആണിയുടെ മുകളില്‍, മൂഡ്‌ ഔട്ട്‌
ആകാന്‍ വേറെ എന്തെങ്കിലും വേണോ? വന്ന ഉടനെ ശിഷ്യന്‍ ചോദിച്ചു, എന്താ ഗുരോ
മുഖത്തൊരു വൈക്കബ്ല്യം ? എന്തു? അല്ല വ്ലക്കബ്യം? ങേ? ക്ഷമിക്കണം ഗുരോ
വൈക്ലബ്യം, ഡാ നേരത്തെ കാലത്ത് എണീറ്റ്‌ പല്ല് തേച്ചു നാക്ക്‌ വടിക്കണം
കേട്ടോ? അല്ലെങ്കില്‍ ഇങ്ങനെ
ഇരിക്കും,ഗുരു കാര്യം പറ,അല്ല ഞാന്‍ ആലോചിക്കുവായിരുന്നു,ഗുരു മനസ്സ്
തുറന്നു, ഈ മനുഷ്യന് നിസാര കാര്യങ്ങള്‍ വരെ എന്ത് സങ്കീര്‍ണ്ണം ആക്കുന്നു,
ഒന്നും ലാഘവത്തോടെ കാണാന്‍ അവനു അറിയില്ല, എല്ലാത്തിനും അനാവശ്യ
ചിന്തകളും, ആവശ്യമില്ലാത്ത വ്യഖാനങ്ങളും, അത് വളരെ ശെരിയാണ്‌ ഗുരോ
,ശിഷ്യന്‍ തലയും ശരീരവും കുലുക്കി സമ്മതിച്ചു, ഹും അതെന്താ നിനക്കും അങ്ങനെ
തോന്നാന്‍? അല്ല ഗുരോ ഞാന്‍ അന്ന് ആ ഗീതയ്ക്കു ഒരു എഴുത്ത് കൊടുത്തത്
ഗുരുവും കണ്ടതാണല്ലോ ,അതെ അതിനു? ആ എഴുത്ത് അവള്‍ക്കിഷ്ട്ടമില്ലെങ്കില്‍
വലിച്ചു കീറി എറിഞ്ഞാല്‍ പോരെ, അവള്‍ അത് സങ്കീര്‍ണ്ണം ആക്കാന്‍ അത് പോയി
അവള്‍ടെ അച്ഛനോട് പറഞ്ഞിരിക്കുന്നു, അയാള്‍ അത് വീണ്ടും സങ്കീര്‍ണ്ണം
ആക്കി, എന്‍റെ അച്ഛനോട് പറഞ്ഞു, അച്ഛന്‍ ഇന്ന് എന്നെ കഴുത്തില്‍ പിടിച്ചു
തള്ളി പുറത്താക്കി ഗുരോ ,ഇനി ഞാന്‍ അങ്ങോട്ടില്ല, ഇവിടെ താമസിക്കും
ഗുരുവിന്‍റെ ഒപ്പം ,ഓഹോ, ഇനി ഇവന്‍റെ ചിലവും നോകണോ,എല്ലാരും കൂടെ എന്‍റെ
ജീവിതം ആണല്ലോ സങ്കീര്‍ണ്ണമാക്കിയത് ,ഗുരു താടി തടവി ,ഒപ്പം ഒരു കൈ കൊണ്ട്
പുറകു വശവും,നല്ല വേദന,കേവലം ഒരു സുഹൃത്ത് ബന്ധം നിലനിറുത്താന്‍ പോലും
ആയിരം ചിന്തകള്‍ ആണ് അവനു, ഗുരു പറഞ്ഞു, ഏവന്? ഹോ, മനുഷ്യന്,ഓ ശെരി ശെരി,
ഒരാളിനെ സുഹൃത്താക്കാന്‍ ഒരു നിമിഷം മതി, പക്ഷെ നല്ല ഒരു സുഹൃത്ത് ബന്ധം
വേണ്ട എന്ന് വെക്കാന്‍ പല വട്ടം ചിന്തിക്കണം,കാരണം ആ ബന്ധം നമ്മള്‍ വേണ്ട
എന്ന് വെച്ചാല്‍ അത് മറ്റേ ആളിനെയും ബാധിക്കും എന്നും അയാളെ അപമാനിക്കും
പോലെ ആണെന്നും നമ്മള്‍ തിരിച്ചറിയണം, ഇവിടെ നേരെ തിരിച്ചാണ്, ഒരാളെ
സുഹൃത്ത് ആക്കാന്‍ ആയിരം വട്ടം ചിന്തിക്കും, എന്നിട്ടോ ,വേണ്ടാന്ന്
തോന്നിയാല്‍ ആ നിമിഷം സ്വാര്‍ഥ താല്പര്യങ്ങള്‍ക്കായി അന്യന്‍റെ ഉപദേശം
കേട്ട് കറി വേപ്പില പോലെ വലിച്ചു ഒറ്റ ഏറാണ് ,അത് എത്ര നല്ല സുഹൃത്തായാലും
,കൂള്‍ ഡൌണ്‍ ഗുരോ, കൂള്‍ ഡൌണ്‍, ശിഷ്യന്‍ ഗുരു ആയി മാറി, അങ്ങ് പണ്ട്
പറഞ്ഞ പോലെ ഈ ബന്ധങ്ങള്‍ എല്ലാം അങ്ങ് കൊണ്ട് വന്നതാണോ? അല്ല, പോകുമ്പോള്‍
കൂടെ കൊണ്ട് പോകുമോ? ഇല്ല, അങ്ങയെ വേണ്ടാത്തവരെ അങ്ങേക്ക് വേണോ? വേണ്ട,
ഗുരു അറിയാതെ പറഞ്ഞു, അപ്പോള്‍ പ്രശ്നം എന്തിനു സങ്കീര്‍ണ്ണം ആകണം, പോനാല്‍
പോകട്ടും പോടാ, എന്ന് വിചാരിക്കണം, ശെരി അത് ഞാന്‍ എന്തോ പഴയ കാര്യം
ഓര്‍ത്തു പറഞ്ഞു പോയതാടാ, ശെരി ഇപ്പോള്‍ അങ്ങേക്ക് എന്താ പ്രശ്നം, ഞാന്‍
ഇന്ന് കാലത്ത് ആ കുട്ടനോട് ഇന്ന് ഒരു ആയിരം രൂപ കടം ചോദിച്ചു, സിമ്പിള്‍,
അതിങ്ങു തന്നാല്‍ പോരെ? ഉടനെ അവന്‍, ഞാന്‍ ഗുരുവിനു ആയിരം രൂപ
തന്നിട്ടുണ്ട് നേരത്തെ, ഇതും ചേര്‍ത്ത് രണ്ടായിരം ആകും, നാലു മാസത്തില്‍
തിരികെ തരാം എന്നല്ലേ പറഞ്ഞത്, അതിനകത്ത് എനിക്കോ ഗുരുവിനോ എന്തെങ്കിലും
സംഭവിച്ചാല്‍ എന്ത് ചെയ്യും? അഥവാ അല്ലെങ്കില്‍ തന്നെ ഒരു ശിഷ്യന്‍
മാത്രമുള്ള ഗുരു എന്ത് എടുത്തിട്ട് തിരികെ തരും, അങ്ങനെ കുറെ
ചോദ്യങ്ങള്‍,ഗുരുവിനു ഗദ്ഗദം വന്നു, എന്നിട്ട് ഒടുവില്‍ പൈസ കിട്ടിയോ? ഇല്ല
, ഗുരു തേങ്ങി , എന്നാല്‍ ഇതാ പിടിച്ചോ ആയിരം രൂപ, ശിഷ്യന്‍ പോക്കെറ്റില്‍
നിന്നും ആയിരം രൂപയുടെ ഒരു പിടക്കുന്ന നോട്ട് എടുത്തു ഗുരുവിന്‍റെ
കയ്യില്‍ കൊടുത്തു, ഇത് എവിടുന്നഡാ ? കള്ള നോട്ടാണോ ? നിന്‍റെ തന്ത പുറകെ
അന്വേഷിച്ചു വരുമോ? അതോ എവിടുന്നെങ്കിലും അടിച്ചു മാറ്റിയതാണോ?
സ്റ്റോപ്പ്‌, ശിഷ്യന്‍ പറഞ്ഞു, അതിങ്ങു തന്നേക്ക്‌ ഗുരോ. പ്രശ്നം
സങ്കീര്‍ണ്ണം ആക്കണ്ട, ഗുരു ചിരിച്ചു ,മിടുക്കന്‍, ഞാന്‍ നിന്നെ ഒന്ന്
പരീക്ഷിച്ചതാണ്, അപ്പൊ നീ എല്ലാം സങ്കീര്‍ണ്ണം അല്ലാതെ കാണാന്‍ പഠിച്ചു
,ഇനി എല്ലാം സിമ്പിള്‍, നീ ആയിരം രൂപ എനിക്ക് ദക്ഷിണ തന്നു, ഞാന്‍ അത്
വാങ്ങി, ദക്ഷിണയോ? അപ്പൊ കടം അല്ല അല്ലേ ? ശിഷ്യന്‍ കണ്ണ് തള്ളി, പോടാ ,
തമാശക്കാരാ,വാ നമുക്ക് ആദ്യം പോയി ഓരോ കട്ടന്‍ അടിക്കാം, എന്നിട്ട് പോയി ആ
കുട്ടനോട് രണ്ടു ഡയലോഗ് അടിക്കാം.മൂടും തടവി ഗുരുവും പുറകെ ശിഷ്യനും
പുറത്തേക്കു പോയി, ഇത് മുഴുവന്‍ പകര്‍ത്തി എഴുതിയിട്ട് ഞാന്‍ ഓഫീസിലേക്കും
പോയി,
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ